Qaraqalpaqstan Rеspublikasi statistika basqarmasi

1-K shakli (aylıq) hár ay, esabat dáwirinen keyingi aydıń 2-sánesinen keshiktirmey;   elektron kóriniste tapsırıwdı umıtpań!!! 1-K shakli (месячная) не позднее 2-го числа месяца, после отчетного периода;   Пожалуйста, не забудьте предоставить отчеты в электронном виде!!!

Shavkat Mirziyoyev: hár bir tarawdaǵı ózgerislerdi orınlarda adamlar seziwi kerek

03.01.2018

Ózbekistan Respublikası Prezidenti Shavkat Mirziyoyev basshılıǵında  2018-jıl 3-yanvar kúni Ministrler Kabineti kompleksleri jumısların analizlew hám jańa wazıypalardı belgilewge baǵıshlawǵan jıynalıs bolıp ótti. Bul haqqında Ózbekistan Respublikası Prezidenti press xizmeti  xabar berdi.

Jıynalısta Bas wázir hám onıń orınbasarları, Prezidenttiń mámleket másláhátshileri, ministrlik, mekeme hám xojalıq birlespeleri basshıları qatnastı. 
 Mámleket basshısınıń  2017-jıl 27-noyabrdegi  “Ózbekistan Respublikası Ministrler Kabineti jumısların jetilistiriwge baylanıslı qosımsha is-ilájlar haqqında”ǵı qararına muwapıq, hukimet apparatı qayta dúzilgen edi. Ministrler Kabineti dúzilisinde Bilimlendiriw, den sawlıqtı saqlaw, ekologiya, átirap-ortalıqtı qorǵaw , dene tárbiya hám  sport máseleleri kompleksi hámde Investiciyalar, innovacion rawajlandırıw, erkin ekonomikalıq hám kishi sanaat zonaları jumıs alıp barıwın muwapıqlastırıw, turizm máseleleri kompleksin shólkemlestirilgen edi. Jıynalısta bul eki komplekstiń ótken dáwirdegi jumıslar analizlenip, 2018-jılǵa mólsherlengen rejeleri hám eń tiykarǵı waziypaları dodalandı. 

Prezidentimiz kún tartibindegi másele boyınsha, ayrım shólkemler óz jumısların zaman talaplarıı dárejesinde shólkemlestire almay atırǵanlıǵı, qabıllanǵan qarar hám dástúrlerdi orınlawda nemquraydılıqqa jol qoyıp atırǵanlıǵın aytıp ótti. 

Mámleketimizde ámelge asırılıp  jumıslardı, atqarıwshı organlar  ishindegi ózgerislerdi orınlarda adamlar seziwi kerek.  Bunıń ushın tómengi  buwındaǵı jumıslar ónimdarlıǵın asırıw, ápiwayı adamlardıń dárdi hám táshwishleri menen jasaw barlıq basshı hám juwapkerlerdıń tiykarǵı waziypasına aylanıwı zárúr, dedi Shavkat Mirziyoyev. 

Ózbekistan Respublikası Prezidentiniń Oliy Majlisge Múrájaatnaması  zamanagóy mámleketimizde úlken ózgaris jasaǵan tariyxiy waqıya boldı. Onda 2017-jılda ámelge asırılǵan tiykarǵı jumıslar juwmaǵı menen birge mámleketimizdi hár tárepleme rawajlandırıwǵa qaratılǵan tiykarǵı wazıypalar belgilep berildi. 

Jıynalısta Múrájaatnamadan kelip shıqqan halda Ministrler Kabineti kompleksleri, , ministrlik, mekemeler  aldında turǵan tiykarǵı wazıypalar haqqında sóz júritildi. Ámelge asırılǵan isler hám keleshektegi rejeler boyınsha juwapkerlerdiń maǵlıwmatları tıńlandı. 

Mektepke shekemgi bilimlendiriw , mektep tálimi sapasın asırıw, test sınawları hám joqarǵı oqıw orınların jetilistiriw, sportshılardıń aldaǵı jarıslarına tayarlawǵa itibar qaratıldı. Den sawlıqtı saqlaw sistemasın jaqsılaw, farmacevtika ónimlerin islep shıǵarıwdı keńeytiw, ekologiya hám átirap ortalıqtı qorǵawǵa baylanıslı wazıypalarǵa toqtalıp ótildi. 

Jıynalısta , ekonomika tarawlarınıń turaqlı rawajlanıwın támiyinlew, yaǵnıy pul-valyuta siyasatın júritiw, erkin ekonomikalıq hám kishi sanaat zonaları jumısların  kúsheytiw, sırt el investiciyaların keń kólemde tartıw, zamanagóy sanaat kárxanaların qurıw, jańa is orınların jaratıq, jergilikli byudjetlerdiń dárámat bazasın keńeytiw sıyaqlı máseleler dodalandı.