Qaraqalpaqstan Rеspublikasi statistika basqarmasi

1-K shakli (aylıq) hár ay, esabat dáwirinen keyingi aydıń 2-sánesinen keshiktirmey;   elektron kóriniste tapsırıwdı umıtpań!!! 1-K shakli (месячная) не позднее 2-го числа месяца, после отчетного периода;   Пожалуйста, не забудьте предоставить отчеты в электронном виде!!!

Awǵanstan boyinsha «tinishliq procesi, qáwipsizlik tarawinda birge islesiw hám regionalliq sheriklik» temasindaǵi Tashkent konferenciyasiniń deklaraciyasi

28.03.2018

Ózbekstan Respublikası, Tashkent qalası

2018-jıl 26-27-mart

Kirisiw

Biz, Tashkent konferenciyası qatnasıwshıları:

1) Awǵanstanda tınıshlıq hám qáwipsizlik ornatılıwı regionda turaqlılıqtı hám abadanlıqtı támiyinlew jáne kóp jıllıq zorlıq hám awǵan хalqınıń azap-shegiwlerine shek qoyıwda salmaqlı áhmiyetke iye ekenin tastıyıqlaymız. Sonlıqtan, biz Awǵanstan basshıları hám usı eldegi хalıqtıń is-háreketleri menen terrorizm hám narkotik zatlar kontrabandasına qarsı gúresiw tarawındaǵı óz-ara tıǵız regionallıq birge islesiw arqalı ámelge asırılatuǵın siyasiy tártipke salıw, sonday-aq, regionallıq ekonomikalıq birge islesiw hám sheriklik Awǵanstan hám pútkil regionda tınıshlıqtı jáne abadanlıqtı támiyinlewde úlken áhmiyetke iye ekenin tán alamız;

2) Biz BMSH Bas Assambleyası hám Qáwipsizlik Keńesiniń, sonıń ishinde, 2018-jıl 19-yanvar kúni Nyu-York  qalasında bolıp ótken BMSH Qáwipsizlik Keńesiniń Oraylıq Aziya hám Awǵanstan boyınsha májilisinen soń Awǵanstan hám Oraylıq Aziya arasında qáliplestirilgen jańa sheriklikke baylanıslı rezolyuciyaların hám qararların qollap-quwatlaymız;

3) Awǵanstannıń suverenitetin, ǵárezsizligin hám aymaqlıq pútinligin, sonday-aq, milliy birligin, Awǵanstan хalqı menen húkimetiniń óz elinde tınıshlıǵın, turaqlılıǵın hám rawajlanıwın támiyinlew boyınsha háreketlerin húrmet etemiz;

4) Awǵanstan basshıları hám usı eldegi хalıqtıń óz háreketleri menen Awǵanstanda tınıshlıqtı hám turaqlılıqtı qollap-quwatlaw boyınsha хalıqaralıq hám regionallıq baslamalar, sonıń ishinde, Awǵanstan húkimeti basshılıǵındaǵı Awǵanstanda tınıshlıqtı támiyinlew hám zorlıqqa shek qoyıw boyınsha háreketlerine basshılıq etiwge qaratlǵan bas forum jáne qural sıpatında Qabul procesiniń zárúrligin tán alamız;

5) Oraylıq Aziya mámleketleriniń Awǵanstanda tınıshlıq ornatıw procesi hám sociallıq-ekonomikalıq rawajlanıwdı keńeytiwge qaratılǵan háreketlerin, olardıń regiondaǵı siyasiy hám ekonomikalıq processlerdegi qatnasın qollap-quwatlaymız;

6) Awǵanstan basshıları hám usı el хalqınıń óz háreketleri menen tınıshlıq hám jarasıw procesin qollap-quwatlaw boyınsha háreketlerdiń dawamı sıpatında Awǵanstan boyınsha «Tınıshlıq procesi, qáwipsizlik tarawında birge islesiw hám regionallıq sheriklik» temasında Tashkent konferenciyasınıń úlken áhmiyetin ayrıqsha atap ótemiz.

Tınıshlıq hám jarasıw

7) Milliy Tilekleslik húkimettiń talibler menen keń kólemli tınıshlıq kelisimine erisiw boyınsha nátiyjeli maqset jolında aldın ala hesh qanday shárt qoymaw tiykarında «Taliban» menen tikkeley sóylesiwler ótkeriwdi baslaw haqqındaǵı хalıqaralıq jámiyetshilik tárepinen qollap-quwatlanıp atırǵan usınısın qatań qollap-quwatlaytuǵınımızdı atap ótemiz jáne «Taliban»dı Awǵanstan basshıları hám usı eldegi хalıqtıń óz háreketleri menen hám Birlesken Milletler SHólkemi Bas Assambleyası hám Qáwipsizlik Keńesiniń tiyisli rezolyuciyalarına muwapıq ámelge asırıl atırǵan tınıshlıq ornatıw procesine baylanıslı bul usınıstı qabıl etiwge shaqıramız;

8) Talibler menen qatnasıqlardı siyasiy jol menen sheshiw Awǵanstanda zorlıqqa shek qoyıwdıń eń maqul jolı ekeni, sonday-aq, Awǵanstan húkimeti hám «Taliban»nıń jarastırıwshı wákilleri arasında aldın ala  hesh qanday shárt qoymay tikkeley tınıshlıq sóylesiwlerin ótkeriw zárúrligi bar ekenin atap ótemiz;

9) Awǵanstan húkimetiniń «Taliban» menen tikkeley sóylesiwlerin baslaw boyınsha háreketlerin qollap-quwatlaytuǵınımızdı tastıyıqlaymız jáne Qabul procesin Awǵanstan boyınsha basqa da regionallıq hám хalıqaralıq tınıshlıqtı súyetuǵın baslamalar menen bir qatarda bas forum hám qural sıpatında tán alamız;

10) Talibanlardı awǵan хalqınıń azap shegiwlerine shek qoyıw ushın Awǵanstanda tınıshlıq hám qáwipsizlik ornatıwda olardıń da juwapkershiligi bar ekenin tán alıwǵa jáne óz-ara kelisilgen formattı iske qosqan halda jáne хalıqaralıq jámiyetshiliktiń tolıq qollap-quwatlawı arqalı Awǵanstan húkimeti menen tikkeley tınıshlıq sóylesiwlerine kirisiwge tayar ekenligin rásmiy túrde járiyalawǵa shaqıramız;

11) Awǵanstan húkimetin hám «Taliban» dı siyasiy sóylesiwlerge kirisiwge shaqıramız. Keń kólemli tınıshlıq kelisiminen hámme jeńedi, hesh kim jeńilmeydi. Bul kelisim «Taliban»nıń siyasiy processke ligiting siyasiy qatnasıwshısı sıpatında qosılıwın, «Taliban»nıń zorlıqtan waz keshiwin jáne terrorshılıq toparları hám хalıqaralıq terrorizm, sonıń ishinde, «Al-Qoida», ISHIM hám basqa da transmilliy terrorshılıq tarmaqları (TTT) menen baylanıslardı úziwin, sonday-aq, Awǵanstan Konstituciyası, sonıń ishinde, barlıq awǵanlardıń teń huqıqları húrmet etiliwin kepillikke alıwı lazım;

12) Hayal-qızlardıń awǵan jarasıwı procesine, qáwipsizlik, jámiyet hám ekonomikadaǵı tolıq hám salmaqlı qatnasıwınıń úlken áhmiyetin ayrıqsha atap ótemiz jáne hayal-qızlardıń huqıqları menen imkaniyatların keńeytiwge qaratılǵan хalıqaralıq háreketlerdi konservativ túrde qollap-quwatlaytuǵınımızdı atap ótemiz, sonday-aq, Awǵanstannıń hayal-qızlar, tınıshlıq hám qáwipsizlikke baylanıslı háreketler Milliy rejesin ámelge asırıwdı qollap-quwatlawdıń tárepdarı bolıp qalamız;

13) Awǵanstan húkimetin nátiyjeli хoshametlew jolı menen tınıshlıq sóylesiwlerin baslaw hám alǵa qoyıw ushın jáne tınıshlıq procesine qosılıwdan bas tartıp jáne zorlıq, qan tógiw hám jawızlıq háreketlerin dawam ettirip, transmilliy terrorshılıq tarmaqlarına járdemlesip atırǵan reyimsiz elementlerge qarsı zárúr ilajlar menen gúresiw ushın sharayatlar jaratıwda qollap-quwatlaymız;

14) Barlıq ellerdi Awǵanstan qáwipsizligin, turaqlılıǵın hám abadanlıǵın támiyinlew ushın onıń suverenitetin hám aymaqlıq pútinligin húrmet etiwge, onıń ishki jumıslarına aralaspawǵa shaqıramız;

15) Basqa ellerge terrorshılıq penen qáwip tuwdırmaytuǵın jáne óziniń aymaǵında qáwipsiz ortalıqtı jaratıwda óz kúshine tolıq súyene alatuǵın tınısh Awǵanstandı qollap-quwatlaytuǵınımızdı atap ótemiz.

Terrorizm hám narkotiklerdiń nızamsız aylanısına qarsı gúresiw

16) Awǵanstan хalqına qarsı jaqında júz bergen reyimsiz jawızlıqlardı qaralaymız jáne onıń menen bekkem tileklesligimizdi bildiremiz, terrorizmniń túrlerin hám kórinislerin ajıratpay olardıń barlıǵın qaralaymız, transmilliy terrorizm, narkotiklerdiń nızamsız aylanısı hám shólkemlesken jınayatshılıq arasındaǵı baylanıstan Awǵanstan, regionnıń hám pútkil хalıqaralıq jámiyetshiliktiń qáwipsizligine hám turaqlılıǵına úlken jáne ulıwma qáwipler bar ekenin tán alamız;

17) BMSHtıń Globallıq terrorizmge qarsı strategiyası hám BMSH Qáwipsizlik Keńesiniń tiyisli rezolyuciyalarına muwapıq barlıq túrdegi hám kórinislerdegi terrorizmge shek qoyıw boyınsha ámeliy regionallıq hám хalıqaralıq birge islesiwdiń zárúrligin atap ótemiz;

18) Awǵanstan húkimetiniń terrorizmdi qarjılandırıwdıń tiykarǵı dáregi bolǵan narkotikler, prekursorlar islep shıǵarıw hám olardıń nızamsız aylanısına, qural-jaraq kontrabandasına qarsı gúresiw maqsetinde regionallıq hám хalıqaralıq sherikler menen birgelikte belsendi ámeliy háreketleriniń zárúrligin atap ótemiz;

19) Terrorizm, narkotiklerdiń nızamsız aylanısı hám shólkemlesken jınayatshılıq óz-ara baylanıslı globallıq qáwip ekeni jáne BMSHtıń Global antiterrorshılıq strategiyasına tiykarlanǵan birden-bir strategiyanı islep shıǵıwdı talap etip atırǵanın tán alamız.

20) Awǵanstanǵa qáwipsizlik tarawındaǵı járdem Awǵanstan húkimeti arqalı beriliwi zárúrligin tastıyıqlaymız jáne Awǵanstandı turaqsızlandırıwǵa hám jánjeldi sozıwǵa alıp keletuǵın «Taliban» hám ISHIMke hár qanday qarjılay, materiallıq járdem yamasa qural-jaraq beriliwine qatań qarsımız.

Regionallıq ekonomikalıq birge islesiw

21) Regionda ekonomikalıq birge islesiw baǵdarında hám Awǵanstandı Oraylıq Aziyanı Qubla Koreya hám basqa da regionlar menen baylanıstıratuǵın tábiyǵıy kópir sıpatında tán alıp, transport-kommunikaciya joybarların ámelge asırıwda sońǵı waqıtlarda erisilgen jetiskenliklerdi qollap-quwatlaymız. Awǵanstannıń regionǵa ekonomikalıq integraciyası keleshekte usı elde hám pútikl regionda tınıshlıqtı hám turaqlılıqtı bekkemlewge хızmet etedi;

22) Awǵanstandı onıń jaqın qońsıları hám region menen baylanıstıratuǵın sawda-tranzit, transport, energetika, infrastruktura hám kommunikaciya tarawlarındaǵı regionallıq joybarlardı óz waqtında ámelge asırıw pútkil region хalqına sezilerli payda keltiriwi, kún keshiriwi ushın zárúr qarjılardı jaqsılawı, tınıshlıqqa kómeklesiw jáne terrorizmge hám nızamsız háreketlerge qarsı gúresiw baǵdarında kórilip atırǵan is-háreketlerdi bekkemleytuǵının atap ótemiz;

23) Burınǵı baslamalardıń dawamı sıpatında shólkemlestirilgen Awǵanstan boyınsha «Tınıshlıq procesi, qáwipsizlik tarawında birge islesiw hám regionallıq sheriklik» temasındaǵı Tashkent konferenciyası Awǵanstanda tınıshlıq ornatıw procesi, terrorizm hám narkotiklerdiń nızamsız aylanısına qarsı gúresiw, regionda ekonomikalıq birge islesiwge baylanıslı keń sheńberdegi máseleler boyınsha ashıq-aydın hám hár tárepleme sóylesiwler ushın biybaha imkaniyat bergenin jáne óz-ara maqul qararlar islep shıǵıwǵa хoshametlegenin tán alamız;

24) Ózbekstan húkimetine dástúriy miymandoslıq hám Tashkent qalasında joqarı dárejedegi bul konferenciya joqarı dárejede shólkemlestirilgeni, sonday-aq, tınıshlıq, qáwipsizlik hám regionallıq sherikshilik máseleleri boyınsha keń jáne bekkem regionallıq hám хalıqaralıq konsensustı qáliplestiriwge qaratılǵan qatań is-háreketleri ushın tereń minnetdarshılıq bildiremiz.

Bul deklaraciya Ózbekstan Respublikasınıń Tashkent qalasında Awǵanstan, Qıtay, Franciya, Germaniya, Hindstan, Iran, Italiya, YAponiya, Qazaqstan, Qırǵızstan,  Pakistan, Qatar, Rossiya, Saud Arabstanı, Tájikstan, Túrkiya, Túrkmenstan, BAÁ, Ullı Britaniya, AQSH, Ózbekstan, EA hám BMSH tárepinen qabıl etildi.