Usı jıldıń 23-aprel kúni Nókis qalası 37-sanlı ulıwma orta bilim beriw mektebinde "Ózbekstan Respublikasında xalıqtı dizimge alıwǵa tayarlıq kóriw hám onı ótkeriw boyınsha ámelge asırılıp atırǵan jumıslar haqqında"ǵı úgit-násiyat ilajı ótkerildi.
Ilajda Qaraqalpaqstan Respublikası statistika basqarması baslıǵınıń orınbasarı K. Omarov Xalıqtı dizimge alıwǵa tayarlıq kóriw hám onı ótkeriw ilajları, xalıqtı dizimge alıwdıń maqseti, xalıqtı dizimge alıwdıń ne ushın zárúrligi haqqında túsinikler berildi.
Sonday-aq, toplanǵan bul maǵlıwmatlar respublika hám aymaqlardı social-ekonomikalıq rawajlandırıw, jańa jumıs orınların jaratıw, hayal-qızlar hám balalardıń salamatlıǵın jaqsılaw hám shańaraqlarǵa járdem kórsetiw boyınsha baǵdarlamalardı mánzilli islep shıǵıwda áhmietli málimleme bazası bolıp xızmet etetuǵını atap ótildi.