Búgin belgilenge reje tiykarında Bozataw rayonı hákimligi májilisler zalında Qaraqalpaqstan Respublikası Statistika basqarması baslıǵı T.Ǵaniev, “Xalq bank”tıń Qaraqalpaqstan Respublikası filialı basqarıwshısı K.Orazımbetov, rayon hákiminiń Investiciyalar, sanaat hám sırtqı sawda máseleleri boyınsha orınbasarı S.Djumanazarov hámde Ózbekstan Sawda-sanaat palatası Bozataw rayonlıq bólimi baslıǵı B.Yusupovlar basshılıǵında isbilermenler menen ushırasıw ótkerildi.
Bolıp ótken ushırasıwda isbilermenler menen jaqınnan sáwbet ótkerilip, olardıń mashqalaları tıńladı. Bunda isbilermenler ózleriniń pikir-usınısların bildirdi hám hár bir múrájattıń unamlı sheshim tabıw ushın tiyisli juwapkerlerge anıq tapsırmalar belgilep berildi.
Qaraqalpaqstan Respublikası Ministrler Keńesi Baslıǵı tárepinen tastıyıqlanǵan arnawlı reje-grafigine tiykar, Nókis qalası hám rayonlarda isbilermenler menen ushırasıwlar ótkeriw belgilengen.
22 Oktyabr 2024