Búgin, Shomanay rayonı hákimliginiń májilisler zalında Qaraqalpaqstan Respublikası hám rayonlarda xalıq hám awıl xojalıǵın dizimge alıw processlerinde málimleme sistemalarınan nátiyjeli paydalanıw boyınsha ámeliy oqıw seminarı shólkemlestirildi.
Oǵan, rayon hákiminiń birinshi orınbasarı A.Bekbergenov, Qaraqalpaqstan Respublikası Statistika basqarmasınıń bas qánigesi G.Smaylova, sonday-aq, máhálle jetiligi aǵzaları, máhálle bankirleri, mektep psixologları hám patronaj xızmetkerler qatnastı.
Seminar dawamında xalıqtı dizimge alıw processlerin durıs shólkemlestiriw, málimleme sistemalarınan paydalanıw tártibi, maǵlıwmatlardıń anıqlıǵı hám isenimliligin támiyinlew máselelerine ayrıqsha itibar qaratıldı.
