Usı jıldıń 30-dekabr kúni Qaraqalpaqstan Respublikası statistika basqarmasında Jańa jıl bayramı múnásibeti menen bayram ilajı shólkemlestirildi. Ilajda basqarma basshıları hám xızmetkerleri belsene qatnastı.
Bayram ilajın basqarma baslıǵı Ganiev Temirbay Turǵanbaxievich ashıp berdi hám jámáátti kirip kiyatırǵan Jańa 2026-jıl menen qızǵın qutlıqladı, sonıń menen birge jıl dawamında statistika sistemasında ámelge asırılǵan jumıslar, erisilgen nátiyjeler hám keleshektegi áhmiyetli wazıypalarǵa toqtalıp ótti.
Bunnan soń, jıl dawamında óziniń pidayı miyneti hám belsendiligi menen ajıralıp turǵan xızmetkerler Qaraqalpaqstan Respublikası statistika basqarması basshıları tárepinen húrmet jarlıqları hám estelik sawǵaları menen sıylıqlandı.
Ilaj juwmaǵında sıylıqlanǵan xızmetkerler shıǵıp sóylep, kórsetilgen itibar ushın minnetdarshılıq bildirdi hám bul xoshamet olardı keleshekte jáne de kúsh-ǵayrat hám juwapkershilik penen islewge iytermeleytuǵının atap ótti.
Qaraqalpaqstan Respublikası statistika basqarması miynet jámááti, bárshe watanlaslarımızdı kirip kiyatırǵan Jańa 2026-jıl menen shın júrekten qutlıqlaymız!
Jańa jılda Siziń shańaraǵıńızǵa baxt, ırısqı nesiybe, quwanısh hám mol tabıslar alıp keliwin tileymiz.
