Májiliste Ministrler Keńesi Baslıǵınıń 1-orınbasarı N.Erlepesov hám Respublikamız aymaǵında jumıs alıp barıp atırǵan kárxana, ministrlik hám shólkemlerdiń basshıları hámde juwapker qánigeler qatnastı. Sonday-aq, rayon hám qala hákimlikleri, uyım hám shólkemlerdiń basshıları májiliste Zoom platforması arqalı onlayn qatnastı.
Májilis dawamında xalıqtı hám awıl xojalıǵın dizimge alıw ilajların ótkeriwge sanawlı kúnler qalǵanlıǵı ayrıqsha atap ótilip, bul processti belgilengen múddetlerde, sapalı hám shólkemlestiriwshilik jaqtan puqta ámelge asırıw máseleleri hár tárepleme dodalandı.
Sonday-aq, májiliste hár bir ministrlik, uyım hám shólkem basshılarına dizimge alıw ilajlarına puqta tayarlıq kóriw, juwapker xızmetkerlerdi belgilew, zárúr sharayatlardı jaratıw hám belgilengen wazıypalardıń sózsiz orınlanıwın támiyinlew boyınsha qatań tapsırmalar berildi. Xalıqtıń bul processke jedel tartılıwın támiyinlew, túsindiriw hám úgit-násiyatlaw jumısların kúsheytiw zárúrligi ayrıqsha atap ótildi.
Májilis juwmaǵında dizimge alıw ilajların joqarı dárejede ótkeriw barlıq basshılardıń jeke juwapkershiligi ekenligi atap ótilip, berilgen tapsırmalardıń orınlanıwın qatań qadaǵalawǵa alıw boyınsha tiyisli kórsetpeler berildi.
