Mámleketimizde ótkerilip atırǵan Xalıqtı hám awıl xojalıǵın dizimge alıw ilajınıń ekinshi basqıshı 2026-jıl 4-28-fevral kúnleri dawam etedi.
Usı basqıshta dizimge alıwshılar — máhálle jetiligi wákilleri úyme-úy júrip, onlayn dizimnen ótiw basqıshında qatnaspaǵan, yamasa sorawnamalardı qáte hám kemshilikler menen toltırǵan puqaralar haqqındaǵı maǵlıwmatlardı planshet qurılmaları arqalı elektron sistemaǵa kirgizedi.
Usı process sheńberinde Qaraqalpaqstan Respublikası Nókis qalası "Shayırlar awılı" hám "Allaniyaz Qaharman" MPJ aymaǵında dizimge alıw jumısları izbe-izlik penen baslap jiberildi. Xalıq wákilleri dizimge alıwshılardı ashıq júz benen kútip alıp, sorawlarǵa tolıq hám anıq juwap beriw arqalı usı áhmiyetli mámleketlik ilajda belsene qatnaspaqta.
