Mámleketimiz basshısı Shavkat Miromonovich Mirziyoyev tárepinen aldınǵa súrilgen 5 baslama sheńberinde Mámleketimizde jaslarǵa bolǵan itibardı jáne de kúsheytiw, olardı mádeniyat, kórkem óner, dene tárbiya hámde sportqa degen itibarın kúsheytiw, jaslarda informaciya texnologiyalarınan paydalanıw kónlikpelerin qáliplestiriw, elimiz jasları ortasında kıtapxanlıqtı jolǵa qoyıw, hayal-qızlar bántligin asırıw máselelerine bólek itibar berilip atır.
Bes baslamanıń úshinshi baǵdarı- xalıq hám jaslar arasında kompyuter texnologiyaları hám internetten nátiyjeli paydalanıwdı shólkemlestiriwge qaratılǵan.
Soǵan tiykarlanıp jaslardı múnásip túrde kámalǵa jetkiziw ushın olardı kompyuter texnologiyaları hám de internetten nátiyjeli paydalanıwlarına múmkinshilikler jaratıw maqsetinde Ózbekstan Respublikası Mámleketlik statistika Komiteti administraciyası baslaması menen Statistika basqarması tárepinen Nókis qalasındaǵı 29-sanlı, Ámiwdárya rayonındaǵı 63 hám 72-sanlı ulıwma bilim beriw mekteplerine kompyuter quralları tapsırıldı.
Málimleme xızmeti