Xalıqtı dizimge alıw — bul mámleket tárepinen belgili bir aymaqta jasaytuǵın barlıq puqaralar hám xalıqtıń basqa kategoriyaları haqqında tolıq hám sistemalı maǵlıwmatlar jıynaw processi bolıp tabıladı. Bul process sheńberinde hár bir puqara yamasa shańaraqtıń tiykarǵı demografiyalıq, sociallıq hám ekonomikalıq jaǵdayı haqqında maǵlıwmatlar toplanadı.
Xalıqtı dizimge alıwdıń mazmunı hám maqseti. Dizimge alıw processinde tómendegi tiykarǵı maǵlıwmatlar alınadı:
- Puqaranıń jeke maǵlıwmatları (atı, familiyası, tuwılǵan sánesi)
- Jasaw ornı hám turaqlı jasaw mánzili
- Jınısı, milleti, til biliw dárejesi
- Bilim dárejesi hám kásibi
- Bántlik jaǵdayı hám jumıs iskerligi
Shańaraq jaǵdayı hám turaq jay sharayatı. Usı maǵlıwmatlar mámleket ushın xalıqtıń sanı, quramı hám sociallıq-ekonomikalıq jaǵdayın anıqlawǵa imkaniyat beredi. Bul bolsa óz gezeginde mámleketlik siyasattı islep shıǵıw, rejelestiriw hám resurslardı bólistiriwde úlken áhmietke ie. Xalıq ushın paydası Xalıqtı dizimge alıw nátiyjeleri tómendegi baǵdarlarda xalıqtıń turmısın jaqsılawǵa xızmet etedi:
Bilimlendiriw sistemasın rawajlandırıw hám mektepler, universitetler sanın rejelestiriw.
- Densawlıqtı saqlaw xızmetlerin jetilistiriw, medicinalıq mákemeler tarmaǵın keńeytiw.
Sociallıq qorǵaw sistemasın jetilistiriw, xalıqtıń ázzi qatlamlarına járdem beriw.
Miynet bazarı hám bántlik siyasatın qáliplestiriw;
Infrastruktura hám turaq jay qurılısın nátiyjeli rejelestiriw.
Sorawlarga juwap beriw tártibi júdá ápiwayi hám qolaylı:
Sizden soralıp atırǵan barlıq maǵlıwmatlar tek ǵana statistika hám rejelestiriw maqsetinde toplanadı.
- Juwaplarıńızdıń qáwipsizligi tolıq támiyinlenedi hám jeke maǵlıwmatlarıńız úshinshi táreplerge berilmeydi.
- Dizimge alıw procesinde alınǵan maǵlıwmatlar tek ǵana rásmiy statistikalıq esabatlardı tayarlawda paydalanıladı.
Sizden anıq hám tolıq juwaplar beriwińiz talap etiledi, sebebi olar mámleketimizdiń rawajlanıw strategiyasın qáliplestiriw ushın júdá áhmietli.
Juwmaq: Xalıqtı dizimge alıw procesinde hár bir puqaranıń qatnasıwı mámleketimiz keleshegi ushın áhmietli esaplanadı. Usı maǵlıwmatlar járdeminde mámleketlik xızmetler jáne de nátiyjeli shólkemlestiriledi hám sociallıq-ekonomikalıq rawajlanıw jaqsılanadı. Sonlıqtan, barlıq puqaralar dizimge alıwda belsene qatnasıwǵa shaqırıladı.