Ózbeksttan Respublikası Shańaraq hám hayal-qızlar komitetiniń 2025-jıl 3-sentyabrdegi xatına tiykarlanıp, sentyabr ayı “Xan atlas” aylıǵı dep járiyalandı. Bul baslama sheńberinde mámleketimiz boylap milliy kiyimlerimiz arqalı qádiriyatlarımızdı úgit-násiyatlawǵa úlken itibar qaratılmaqta.
Qaraqalpaqstan Respublikası statistika basqarmasınıń hayal-qızları da usı festivalda belsene qatnasıp, gózzal milliy kiyimler - xan atlaslarda dóretiwshilik shıǵıwlar kórsetti.
Milliy hám zamanagóy usıllardıń uyǵınlıǵı, biytákirar reń hám naǵıslar arqalı sáwlelendirilgen hár bir obraz xalqımızdıń bay mádeniy miyrası, estetikalıq kózqarasları hám dástúrlerine bolǵan joqarı húrmetti sáwlelendirdi.
Bunday ilajlar jas áwladtı milliy ruwxta tárbiyalawda, qádiriyatlarımızdı qásterlep saqlaw hám ulıǵlawda úlken áhmiyetke iye.
