Ózbekstan Respublikası Prezidentiniń “Xalıq hám awıl xojalıǵın dizimge alıw haqqında”ǵı PP-173-sanlı Pármanına tiykar 2026-jıldıń 15-yanvarınan 28-fevralına shekem mámleketimizde xalıq hám awıl xojalıǵın dizimge alıw jumısları ótkeriledi hám usı ilajǵa aymaqlardaǵı “máhálle jetiligi” xızmetkerleriniń tartılıwı názerde tutılǵan.
Pármannıń orınlanıwı boyınsha usı jıldıń 20-25-oktyabr kúnleri Qaraqalpaqstan Respublikası statistika basqarması tárepinen barlıq qala hám rayon máhálle jetilikleri ushın ámeliy seminarlar shólkemlestirildi.
Seminar dawamında statistika uyımları xızmetkerleri, joqarı oqıw orınlarınıń professor-oqıtıwshıları tárepinen xalıq hám awıl xojalıǵın dizimge alıwdıń mazmun-mánisi, sorawnama formaları, sorawnamalardı qalay toltırıw boyınsha túsinikler berildi.
