Xalıqtı hám awıl xojalıǵın dizimge alıw ilajları sheńberinde Milliy statistika komiteti tárepinen onlayn dizimnen ótken puqaralar arasında tańlaw ótkerildi.
Tańlaw nátiyjelerine bola hár bir aymaqtan jeńimpaz anıqlandı. Sonnan Qaraqalpaqstan Respublikası Qanlıkól rayonı “Altınkól” APJ turǵını Orazgul Qutımova barlıq maǵılıwmatlardı tez hám sapalı kirgizip belsendiligi ushın jeńimpaz boldı.
Búgin rayon hákimliginde jeńimpazdı sılıqlaw saltanatında, rayon hákimi B.Sultanov, Qaraqalpaqstan Respublikası statistika basqarması baslıǵı T.Ganiev, ótkerilip atırǵan xalıqtı hám awıl xojalıǵın dizimge alıw isleri hám oǵan belsene qatnasıwdıń áhmiyetine keń toqtaldı.
Jeńimpazǵa “Alǵısnama” hámde zamanagóy planshet qurılması tapsırıldı.
Onlayn dizimnen ótiw - waqıttı únemleydi, qolaylı hám eń áhmiyetlisi, hár bir puqara ushın haqıyqıy imkaniyatlar esigin ashadı. Sorawnamanı anıq hám tolıq toltırǵan puqara sıylıq jeńip alıw imkaniyatına iye boladı.
