Bárshemizge belgili usı jıldıń 15-yanvar sánesinen baslap elimizde xalıqtı hám awıl xojalıǵın dizimge alıw ilájlarına rásmiy túrde start berildi. Milliy statistika komiteti tárepinen bul processte belsendilik kórsetip, sorawnamanı onlayn tárizde durıs hám tolıq toltırǵan puqaralar arasında tańlaw járiyalanǵan edi. Tańlaw nátiyjesine kóre Xojeli rayonı "Sarıshúngil" máhálle puqarası Shamuratova Feruza Saburovna jeńimpaz dep tabıldı hám zamanagóy planshettiń iesine aylandı.
Usı jıldıń 28-yanvar kúni Xojeli rayonı hákimliginde bul sawǵa Qaraqalpaqstan Respublikası Joqarǵı Keӊesiniń komitet baslıǵı Sh.Ótemisov, statistika basqarması baslıǵı T.Ganiev hám rayon hákimi J.Ermashev qatnasıwında saltanatlı túrde tapsırıldı.
Bunnan soń, tiyisli tarawlar menen birgelikte bárshe qatnasıwshılarǵa xalqımızdıń xalıqtı hám awıl xojalıǵın dizimge alıw ilájlarına belsendiligin elede arttırıw hám maǵlıwmatlardı toltırıw boyınsha bir qansha tapsırmalar berildi.
