Bárshemizge málim usı jıldıń 15-yanvar sánesinen baslap elimizde xalıqtı hám awıl xojalıǵın dizimge alıw ilajlarına rásmiy túrde start berilgen edi. Milliy statistika komiteti tárepinen bul processte belsendilik kórsetip, sorawnamanı onlayn tárizde durıs hám tolıq toltırǵan puqaralar arasında tańlaw járiyalanǵan edi. Tańlaw nátiyjesine kóre Kegeyli rayonı “Baxıtlı” máhállesi puqarası Turǵanbaeva Malika Barlıqbaevna gezektegi jeńimpaz iyesine aylandı.
Usı jıldıń 30-yanvar kúni Kegeyli rayonı hákimliginde jeńimpazǵa Qaraqalpaqstan Respublikası statistika basqarması baslıǵı T.Ganiev hám rayon hákiminiń birinshi orınbasarı A.Allambergenov qatnasıwında saltanatlı túrde minnetdarshılıq hámde zamanagóy planshet qurılması sawǵa sıpatında tapsırıldı.
